愛麗絲的秘密花園

营业中

休息中

同朋友庆祝生日，约左尼间食野，她一直都喜欢alice，所以特别期待。去到点知坏电梯，要行上去好累。最后上到去都见到其他人都系咁行就算。见到环境唔错，几靓，几有feel。同朋友选左位后周围影相。之后叫左野食，因为倾计，d野食都算快黎。沙律好好食，橙好甜，酸甜的酱，整体不错的，值得推介。汤品，几惹味唔记得叫咩名，几好食。但有兔样果块唔知咩黎。初头以为薯片或脆片，但食落又唔系，咬落去感觉麻麻，唔脆唔硬唔知咩黎。虽然靓，但唔建议放落去青瓜长通粉。青瓜好脆，整体食落好清，唔错。尼杯叫独角兽既野饮，外观好靓，但搅混后饮第一啖。。。我饮唔出咩味，谂住饮多几啖...真系唔知自己饮紧咩，完全冇味唔建议叫尼个。最后甜品（两件外观都靓），左边面有玫瑰花，除左之外就食唔出咩味，尼度有d失色，不过又唔系唔好食，味道普通。右边果件朱古力蛋糕比较好食，有甜味浓郁朱古力，好味，不过上面唔食得，其实同出面朱古力蛋糕有咩分别呢？如果连佢都食得就更好了。