影片
更多
2022-11-22
1470 浏览
秋去冬来想暖下身🥶|人气排队超香饭焦煲仔饭🍲|极邪恶任加猪油仲有得自选材料🐷😈|江湖小栈「差不多冬至，一早一晚还是有雨」秋去冬来，终于嚟到有丝丝凉意嘅初冬，最啱揾D新鲜热辣嘅好西暖下身，咁啱同朋友嚟到荃湾行街，朋友就提议试下依间人龙热门煲仔饭，啱啱嚟到门口大概晚上6点半左右，已经有唔少客人排队等候入坐，店员比完筹号后会大约叫我地乜时间再返黎，我地大概等左30分钟左右入座，餐厅坐位唔算多，摆枱稍为挤迫，店员好好客，而且小店格局亦啱哂冬天想食返煲暖笠笠煲仔饭嘅朋友，别有一番滋味。餐厅餐牌亦别具特色，全部都系武林秘笈做封面，同餐厅店名相映成趣，除左煲仔饭，仲有串烧等送酒小食添。-串烧牛舌&鸡软骨 3.8/5⭐️我地叫左一串牛舌同鸡软骨做小食，牛舌几大粒，咬落唔韧，调味用上孜然粉，几惹味。鸡软骨份量颇多，亦都用孜然粉调味，正常水准发挥。-招牌烧通菜 4/5⭐️见到好多客人都点依道招牌烧通菜，我同朋友都想叫碟菜食下，通菜上面铺满蒜蓉、椒盐同马拉盏，食落好多汁惹味，通菜有串烧嘅风味，都几推荐。-自选煲仔饭(蒜蓉，鲜肉排，滑鸡件，腊肠) 4.2/5⭐️选择困难症嘅我地，面对住五花八门嘅煲仔饭无从入手，所以
人气排队超香饭焦煲仔饭🍲|
极邪恶任加猪油仲有得自选材料🐷😈|
江湖小栈
「差不多冬至，一早一晚还是有雨」
秋去冬来，终于嚟到有丝丝凉意嘅初冬，最啱揾D新鲜热辣嘅好西暖下身，咁啱同朋友嚟到荃湾行街，朋友就提议试下依间人龙热门煲仔饭，啱啱嚟到门口大概晚上6点半左右，已经有唔少客人排队等候入坐，店员比完筹号后会大约叫我地乜时间再返黎，我地大概等左30分钟左右入座，餐厅坐位唔算多，摆枱稍为挤迫，店员好好客，而且小店格局亦啱哂冬天想食返煲暖笠笠煲仔饭嘅朋友，别有一番滋味。餐厅餐牌亦别具特色，全部都系武林秘笈做封面，同餐厅店名相映成趣，除左煲仔饭，仲有串烧等送酒小食添。
-串烧牛舌&鸡软骨 3.8/5⭐️
我地叫左一串牛舌同鸡软骨做小食，牛舌几大粒，咬落唔韧，调味用上孜然粉，几惹味。鸡软骨份量颇多，亦都用孜然粉调味，正常水准发挥。
牛舌&鸡软骨串光
33 浏览
0 赞好
0 留言
-招牌烧通菜 4/5⭐️
见到好多客人都点依道招牌烧通菜，我同朋友都想叫碟菜食下，通菜上面铺满蒜蓉、椒盐同马拉盏，食落好多汁惹味，通菜有串烧嘅风味，都几推荐。
招牌烧通菜
38 浏览
1 赞好
0 留言
-自选煲仔饭(蒜蓉，鲜肉排，滑鸡件，腊肠) 4.2/5⭐️
选择困难症嘅我地，面对住五花八门嘅煲仔饭无从入手，所以我地非常开心见到有得自选唔同𩠌菜嘅组合，不过稍稍可惜嘅系，腌酱都当左一味𩠌，店员推荐我地拣蒜蓉最稳阵。煲仔饭大概落单后20分钟左右上枱，店员亦奉上极邪恶嘅猪油同甜豉油比我地自己加，再焗多一阵之后，就可以打开香喷喷嘅煲仔饭，捞匀所有材料之后再揭盅我地最关心嘅煲仔饭焦，果然非常香脆，煲仔饭夹杂邪恶猪油同甜豉油，令我地食指大动，蒜蓉配上鲜肉排啖啖肉之余亦非常惹味，滑鸡件就正常水准发挥，加埋腊肠嘅锦上添花，我地唔洗十分钟就光速食哂一煲，劲满足。
自选煲仔饭
22 浏览
0 赞好
0 留言
32 浏览
0 赞好
0 留言
–
总结:餐厅主打煲仔饭，选择种类繁多，亦有特色猪油任添，睇到门口等候嘅客人数量就知道系街坊热爱嘅餐厅之一，想食一间稳阵唔中伏嘅煲仔饭，依间好推荐!
====
江湖小栈 (荃湾)
📍荃湾鲎地坊30号宝成大厦1号地舖
====
张贴
