紅伶飯店

营业中

休息中

话说上次食见到隔离几枱都叫羊腩煲好似好正，咁梗系快手约fd子再战啦，今次一行六人叫左十三个菜，真系够晒爽～！ 秘制羊腩煲，先讲下个佢个煲，好巨型 卖相就赢晒喇，味道都吾错，唯一系以一个$498嘅 羊腩煲 嚟讲佢肉个份量唔算系多。今餐惊喜之一，一定系「黄金茄子」，红伶嘅「黄金」一向都系几好食，系无谂过黄金同茄子呢两样系咁夹。酥炸脆皮大肠，同平时食开嘅好唔同，系咪好啲就真系见仁见智，我自己就钟意食平时果款多啲，但同行友人们就对呢个红伶版本赞口不绝。已经好饱但最后都忍唔住叫埋个反沙芋，上次食左焦糖今次食返「传统推沙」，系真系几正，呢类传统手工菜可以有多啲餐厅做系好事。其他叫左嘅都系一啲比较大路嘅野，红伶嘅质素好稳定，地点又就脚，唔怪得真系日日都咁爆场~ 另外钟意嚟红伶嘅另一个位，就系佢开瓶收费都好合理。