倚窗閣

营业中

休息中

重要嘅事情讲在最前面，打电话订位嘅时候，接电话嘅小姐话星期一同二都冇做宵夜自助餐嘞（星期日仲有冇做我就唔记得嘞）。埋位先嚟刺身，点解唔系先拎生蚝？因为呢度啲刺身唔知点解系比生蚝抢手得多。呢度嘅三文鱼向来品质有保证，好彩嘅话仲会揾到鱼腩位，个人就最钟意食三文鱼嘅呢个部位，可惜今次影相时系冇鱼腩。不过唔紧要，普通鱼肉依然系有三文鱼味，唔腥冇臭。虽然唔系即开嘅生蚝，但系胜过唔少肥仔奇食过嘅即开生蚝，蚝味极浓，唔需要任何调味就咁食已经食到两打。不一定撞啱有提供嘅红酒烩牛尾，撞啱有嘅话你一定要试，牛味正得很，肉质松软冇渣。豉椒炒花蛤嘅豉椒味始终及不上大排档，花蛤嘅贝壳类海产鲜味亦淡，好在佢冇沙。嗱嚟多张生蚝畀大家比对吓外观质素。呢度嘅热荤系会有转换嘅，视乎去货速度有几快啦，此所以呢，千祈唔好谂住𠮶晚人少就发达喇冇人争嘢食，错哂！要有返起码坐满一半人先多机会试多啲口味㗎！呢度嘅甜品系出哂名品质好水准高，个人至爱芒果拿破伦同半熟朱古力蛋糕。特别系芒果拿破伦，夹间松化，馅料奶香唔太甜。云呢嗱＋咖啡＋朱古力雪糕系肥仔奇每次食自助餐写上完美句号嘅习惯。