金山海鮮酒家 (已結業)

我哋一家真系好钟意食金山，每逢过时过节、生日庆生，谂唔到食咩嘅时候，都会拣食金山。今次我同细佬发办，所以几乎全部都嗌晒海鲜。细佬钟意食虾蟹甲壳类，所以嗌咗花甲王、大鬼虾、奄仔蟹，我就拣咗一条东星仔同窝贴虾胶小棠菜，当然炒菜同肉类都唔少得，就各嗌一样。大鬼虾我哋拣咗豉油皇做法，因为走过油，虾壳劲香；花甲王就用咗最普遍做法，豉椒炒，够晒惹味。奄仔用盐焗，爆晒膏，yummy！条东星仔蒸得啱啱好，我一个人差唔多KO咗半条；窝贴小棠菜炸得香酥，虾胶弹牙，妈咪食得好开心，仲话下次要再嗌。