有錢佬靚粥 (已結業)

呢种严寒天气之下，唔食番啲热辣辣，出晒烟嘅嘢，点顶得住？尤其系我依啲户外工作人仕， 10几个钟坐喺条街度，又要sell客又要成，闲时真系要补身养生，食返啖热野暖下胃。嚟呢度食粥都唔系第一次，皆因佢开正喺筲箕湾著名食街东大街，够晒就脚。之前𠮶两次感觉一流，真材实料得来又够平，质素可以媲美出名嘅粥舖。今次嚟到竟然出咗新野，三款咸粥， （葱爆牛肉、虫草花醉鸡、济州蚝肉碎）同一款甜粥（苹果肉桂）。天寒地冻有啲酒气好似会暖啲，所以拣咗食虫草花醉鸡。一打开煲盖就闻到好香嘅花雕酒味，足底够杰身，唔会水汪汪。鸡件十分鲜嫩，而且份量足，冇欺场，赞！仲有啲虫草花，又爽又甜，正呀！加埋啲杞子，感觉上好滋补咁，啱晒我！如果店家可以定期推出多啲新款嘅粥就好喇！