悅嚐 (已結業)

呢间经过见到两人唔驶等就走左入去，外卖原来有得平几蚊。但我地最后见有位就入左去。野食等左一阵就上，仲热热地既。份量岩岩好，饱肚得黎唔会太撑。个猪扒捞面唔错，调味岩岩好，唔会觉得无味，又唔会觉得过咸，啲油我觉得多左少少，但我朋友话还好。猪扒好腍，好味😋咖哩鸡蛋包饭样样都好，惟一一样我唔钟意既就系饭里面啲萝卜粒好硬。可能系我自己本身唔钟意食萝卜粒啦。咖哩汁唔会太辣，里面都有好几件鸡食下～另外食完出到去我朋友话好大阵油烟味，下次都系外卖，又有得平啲。