田家雲南米線

营业中

休息中

大埔墟不嬲多嘢食，最近又去咗一间开店冇耐嘅云南米线舖头，舖头座位舒适唔会太逼夹。餐牌非常简单，主打米线，可以选择唔同嘅𩠌，唔够食嘅话仲有唔同嘅小食选择。云南小锅米线包括左唔同嘅配菜，猪牛鸡样样齐，份量非常之大碗，价钱实惠。汤底可选清汤同埋拣唔同嘅辣度，茄汤就加两蚊，当日选咗清汤微辣都已经够味。比较惊喜嘅系呢碗米线除咗有一贯嘅猪肉牛肉之外，仲有火腿，火腿腌得咸香入味，有啲惊喜。朋友嘅一碗米线就拣咗腩肉同埋中辣嘅汤底，中辣嘅汤底劲到十足，而且附送唔同嘅配料，女仔食一至两𩠌已经够晒饱。食米线可以享有饮品半价优惠，大家记得支持多啲本地小店啦。