佳記餐廳 (已結業)

星期六早上要返工，返工前通常约埋同事一齐去食个早餐，以往去开乐道食，今次同事建议去宝勒巷的佳记，反正我都未食过，当然赞成去试下个早餐。餐厅地方几大，好多坐位，去到同事已经攞左位，跟住就睇下个餐牌早餐选择唔算多，都系主要茶餐厅的经典早餐，我拣左个A餐－火腿素鲍鱼丝通粉，碗通粉一上枱，就感觉到好大碗，份量好多，火腿和素鲍鱼丝都铺满成碗，鲍鱼丝食落烟烟韧韧，真系有啲似鲍鱼，汤底就用了鸡汤，味道唔错。成个早餐都系唔错，价钱比起同区其他餐厅都平几蚊，再加上份量够多，同事果然无介绍错，又多个食早餐的好地方。