更多
2018-10-23
3661 浏览
呢间台式养生火锅,分店开完一间又一间,今次开到黎将军澳呢间酒店2楼,劲呀!每间分店都系同一样装饰,昏暗中带点古色古香味道!呢度嘅特色养生汤底, 配料有多种药材,唔系点叫养生?! 款款都吸引,依加仲设有双拼汤底, 以较高价钱汤底收费, 同一时间可以试到2款汤底,咁就岩晒多心的我啦!麻辣锅以多种香料及药材,麻香夹惹味,特别加入鸭血, 辣度任你选 (小辣级就够啦), 仲加送多一份鸭血比你,份量都唔少架! 呢度嘅食鸭血口感嫩滑,似食紧果冻咁,唔会一夹就散开,真系食极都唔厌,配麻辣汤底真系好鬼正架! 但今晚呢锅入面唔见有冻豆腐,其他分店食时系有嘅,无左呢个"索汤尤物"系度,失色左少少!另一边为宁神养心锅 ($168), 以川芎, 白芷, 天麻, 当归, 鲜鸡, 猪肉及鲜鱼淆成,滚起时已闻到好香药材味! 有鱼嘅汤通常都系奶白色,未食先饮头啖汤,饮落好香药材味,但又唔会过浓,入口舒服又好味, 真系好似一碗补身汤!"汤渣"有竹丝鸡及鱼头, 今次我"分配"到有鸡比,肉质烚完都仲系咁滑; 另外个鱼头煎香左一D都唔会腥, 鱼云又够滑, 煲到D骨都腍晒, 几咁有"火候"! 通常呢D"汤渣"点会有人食呀
每间分店都系同一样装饰,昏暗中带点古色古香味道!
呢度嘅特色养生汤底, 配料有多种药材,唔系点叫养生?! 款款都吸引,依加仲设有双拼汤底, 以较高价钱汤底收费, 同一时间可以试到2款汤底,咁就岩晒多心的我啦!
麻辣锅以多种香料及药材,麻香夹惹味,特别加入鸭血, 辣度任你选 (小辣级就够啦), 仲加送多一份鸭血比你,份量都唔少架! 呢度嘅食鸭血口感嫩滑,似食紧果冻咁,唔会一夹就散开,真系食极都唔厌,配麻辣汤底真系好鬼正架! 但今晚呢锅入面唔见有冻豆腐,其他分店食时系有嘅,无左呢个"索汤尤物"系度,失色左少少!
另一边为宁神养心锅 ($168), 以川芎, 白芷, 天麻, 当归, 鲜鸡, 猪肉及鲜鱼淆成,滚起时已闻到好香药材味! 有鱼嘅汤通常都系奶白色,未食先饮头啖汤,饮落好香药材味,但又唔会过浓,入口舒服又好味, 真系好似一碗补身汤!
"汤渣"有竹丝鸡及鱼头, 今次我"分配"到有鸡比,肉质烚完都仲系咁滑; 另外个鱼头煎香左一D都唔会腥, 鱼云又够滑, 煲到D骨都腍晒, 几咁有"火候"! 通常呢D"汤渣"点会有人食呀, 但呢两样就系例外!
"LIKE佢Facebook及打卡仲有无酒精类饮品一杯请你饮" 估唔到呢个优惠仲有,当然要拎个电话比个LIKE先啦! 有著数嘢点会错过呀?!
落好火锅配料单就正式进入火锅环节
先黎一客嘉美农场鸡肉 ($108),支持本地鸡
31 浏览
0 赞好
0 留言
鸡肉无骨,入口嫩滑
饺类点了自家制极品水饺 ($42/半份), 只只猪嘟嘟,烚完都成只匙更咁大只,晶莹剔透可以睇到有咩馅料,有成只虾及饀料食到好香麻油味, 果真皮薄馅靓!
25 浏览
0 赞好
0 留言
本来想叫牛胸爽,可惜又无货返,改叫樱桃鲜滑鸭片 ($88),卷成一卷卷,肉色靓仔,略带少少脂肪!
28 浏览
0 赞好
0 留言
食起黎肉质几滑,带少少脂肪香味!
杂锦蔬菜盘 ($68) 一客有齐几款蔬菜,份量都几对眼,娃娃菜烚完腍甜,又有杂菇,金菇菜粟米, 样样有D! 每次都有少少唔同,今晚有秋葵就无粟米芯!
21 浏览
0 赞好
0 留言
潮州白鱼蛋 ($42)有成12粒,相当见食,入口弹牙
41 浏览
0 赞好
0 留言
宽粉条 ($38)系我每次黎呢度都必叫嘅,无需烚好耐, 烚至透明色就食得,快过煮个即食面,口感烟韧,加少少宁神汤就算无其他配料都可以食埋成碗!
42 浏览
1 赞好
0 留言
今晚呢一餐养生火锅,又系食得开心又满足!
张贴