影片
更多
2021-08-31
116 浏览
今日又去咗住翠怡嘅朋友屋企玩佢只猫，仲记得上次嚟嘅时候系佢新居入伙，佢带咗我哋落楼下一间好好味嘅良心西餐厅度食嘢，当我仲谂住今次可以食过返寻味，发现原来呢一间西餐厅已经转咗做日本野！不过开心嘅系佢话都系同一个老板开嘅，相信都系质素保证！于是我哋今晚都系去咗呢一间改咗名做礼既日本餐厅食～餐厅室内嘅装修同我印象中其实唔系差好远，最主要都系啲装饰换咗啲日本风嘅～好钟意佢bar枱上面果幅大日本画～好似系人手画嘅，但系又画得好专业好得意。不过我竟然唔记得影低佢哋！转咗做日本餐厅后，餐厅食野嘅门槛高左，佢嘅定位似乎系居酒屋，食物嘅价格比以前高，不过食物嘅等级都感觉高啲！朋友话嚟到居酒屋，梗系要食枝豆！不过其实平时我系唔食枝豆嘅，但系佢话就算唔食都好，嚟到呢度食完一定会超钟意！于是佢就叫咗个黑松露枝豆，佢又真系冇讲错！一拎出嚟已经有好香嘅黑松露味，仲咁𠮶啲黑松露酱系相当高质，啲枝豆素晒黑松露嘅汁嘅味，成个食起嚟超惹味，就连平时唔食支豆嘅我都食到停唔到！真系好香。然后我哋就叫咗一个刺身拼盘试吓呢度嘅鱼生品质！我觉得呢间餐厅老板sourcing既能力真系好高！我仲记得之前喺度食嘅黑毛猪价钱唔贵，但系非常
餐厅室内嘅装修同我印象中其实唔系差好远，最主要都系啲装饰换咗啲日本风嘅～好钟意佢bar枱上面果幅大日本画～好似系人手画嘅，但系又画得好专业好得意。不过我竟然唔记得影低佢哋！
转咗做日本餐厅后，餐厅食野嘅门槛高左，佢嘅定位似乎系居酒屋，食物嘅价格比以前高，不过食物嘅等级都感觉高啲！
朋友话嚟到居酒屋，梗系要食枝豆！不过其实平时我系唔食枝豆嘅，但系佢话就算唔食都好，嚟到呢度食完一定会超钟意！于是佢就叫咗个黑松露枝豆，佢又真系冇讲错！一拎出嚟已经有好香嘅黑松露味，仲咁𠮶啲黑松露酱系相当高质，啲枝豆素晒黑松露嘅汁嘅味，成个食起嚟超惹味，就连平时唔食支豆嘅我都食到停唔到！真系好香。
然后我哋就叫咗一个刺身拼盘试吓呢度嘅鱼生品质！我觉得呢间餐厅老板sourcing既能力真系好高！我仲记得之前喺度食嘅黑毛猪价钱唔贵，但系非常高质！口感一流，而今次嘅鱼生都系件件又大又新鲜！感觉非常抵食！啲带子真系柠檬片咁大粒！好疯狂！厚切三文鱼亦都系非常好笑，食落去啖啖肉，超级满足。最开心系有油甘鱼，我除咗吞拿鱼同埋三文鱼之外最钟意嘅就系油甘鱼！佢嘅油甘鱼每一件都系爽口之中带点弹牙，味道非常新鲜～呢个刺身正
然后我哋就叫咗啲烧物，首先系免治汁烧鸡肉，估唔到呢间餐厅嘅烧物都系咁拿手，佢嘅汁烧既汁重得黎唔会过份，甜中带咸，好惹味～最正嘅系佢下面仲有生鸡蛋，可以打完之后点d生鸡蛋酱嚟一齐食，超级有日本嘅感觉！
接住落嚟就系烧鱿鱼，一见到真系话咗一声，估唔到佢嘅烧鱿鱼系原只烧鱿鱼咁大条！好记得以前去过其他居酒屋，佢啲烧鱿鱼就系得几个圈，但系呢间真系超级有诚意！成只咁样上肉质仲要系弹牙之中又带点入口就溶既感觉，再加埋佢嘅招牌烧汁，又一美蕾享受之作～
然之后就挑战下佢嘅烧鱼，去到日本居酒屋其中一样钟意食嘅就系烧鱼，因为平时唔食熟鱼嘅我唔知点解去到日本居酒屋就真系特别钟意食！当然都试过去一啲中伏嘅餐厅食到唔啱心水嘅鱼，但系呢一个又系惊喜之作！鱼味好香，完全唔会腥，脆脆地既外皮入面系油香既鱼，完全唔会烧到太干，非常好味～
另外我哋仲叫咗个天妇罗炸虾卷，叫𠮶阵时其实真系估唔到有咁多旧，因为其实我哋都已经有少少饱，估唔到呢度每一样都系咁足料！不过我觉得呢度神奇嘅系就算你已经爆都好，呢度嘅嘢食都系有种魔力会令你食晒佢，呢一个炸虾蟹子卷嘅炸虾非常趣口，但系又唔会有好热气嘅感觉，成个口感一流，因为食到蟹子爆开又食到天妇罗嘅脆皮，再加入软身既饭同虾肉，好正，沙律酱嘅调味亦都非常配合。
我哋仲叫咗个玉子烧，呢个玉子烧特别之处系佢入边系包住蟹膏，呢个又系超级夸张！超级多玉子烧都算，入边嘅蟹膏仲要系爆出黎咁多！真系好癫，玉子烧都系令人好惊叹嘅级数，玉子烧烧到好似滑蛋咁样，非常之吸引到人继续食落去！因为平时出边嘅玉子烧好快就会令到人哋有好饱好顶肚嘅感觉，但系呢一个又系会令人忍唔住系咁食，因为佢入边嘅蟹将实在太正！非常鲜甜，完全唔腥，加埋玉子烧一齐食真系神级。
因为钟意食蚬，我哋叫咗个清酒煮蚬，好多时清酒煮蚬就系有少少嘅酒味，然后呢度又系足料度清酒真系有好重嘅sake，真系落足了！朋友系好钟意饮酒，所以佢超级钟意呢个汤！我平时唔系好饮酒嘅话就觉得有点太浓，不过真系觉得佢非常有诚意！啲蚬亦都系新鲜卜卜脆。
食到呢度已经超级饱，不过我哋都仲有另一个胃食甜品，我哋叫咗个tiramisu 千层蛋糕切饼，因为呢间餐厅本来都好在行整西餐，所以佢嘅甜品绝对系唔会令人失望！第一次食呢个味嘅千层蛋糕切饼，觉得好好味，有少少咖啡味同芝士味，但系又有薄薄嘅pancake皮，口感好好，唔会有肥腻感觉～好味！最得意嘅系佢真系坚持返有Tiramisu入边嘅湿蛋糕，夹系中间，真系正宗嘅tiramisu 千层蛋糕！
呢餐真系超级爆超级满足！觉得青衣人有呢一间良心美味餐厅真系好幸福！
张贴
