秘 (享成街)

营业中

休息中

荃湾人又再系荃湾区揾食，今次就黎到连其他唔系荃湾人都成日叫我去食下既秘其实我从来都未食过吉列牛，今次系初尝，所以好期待果日系平日，午市12点几黎到冇人排队，非常难得！啲野其实系散叫，加20蚊变定食，就有个秘之饭素同溏心蛋同埋汽水。板烧吉列牛黎到之后比我想像中多肉，有成十几块。块块都有半个手掌心咁大，都有啲油脂，睇落相当唔错。铁板上有牛油，店员教搽匀就烧得。块牛平均1、2分钟就烧熟，牛味好香，亦有牛油香，口质好好。跟餐既秘之饭素都好好食，捞好啲配料好香口，就咁食都得。芝士吉列豚肉呢个等左10分钟左右，因为即叫即炸，热辣辣。个吉列皮炸得酥脆，猪扒肉质都几好，用黎点猪扒既芝士都系热既，好浓郁，好夹。