泰和堂涼茶店

营业中

休息中

岩岩同朋友打完边炉，见时间尚早，而且大家都好耐无见，有啲依依不舍，所以想再揾个地方坐底，一边食下糖水一边再倾多阵计先。不过我地成班朋友都唔系咁钟意食甜野，咁就拣左呢间以中式为主既糖水舖。入面既装潢一啲都唔华丽，好朴实，同以前细个去既凉茶舖差唔多，而座位虽然有啲迫，但都算坐得舒服，而且会俾足够既时间俾我地食，唔会催促我地。而食物方面，价钱都算平，而家都好大碗，我地几个朋友点既糖水，每碗都满到漏出黎。我地分别点左杏仁糊、芝麻糊、桑寄生、咋喳同埋炖雪梨。全部都好好食！而且无糖精味，唔会系死甜既味道。岩哂我地呢班唔好甜食既朋友仔！