薩莉亞意式餐廳 (慈雲山中心)

营业中

休息中

无论系萨莉亚嗌几多嘢食都系又平又好食，所以久唔久都会去食下晚餐。个人最钟意嘅就系佢嘅芝士焗薯角，大大块嘅薯角下面系劲香浓嘅白汁加芝士，再加埋啲烟肉，每次叉起啲薯角都会拉起劲长嘅芝士丝，真系好好味。另外佢嘅辣味鸡翼都好好食，虽然唔系好大只，但系够晒辣。仲有一定要试嘅就系意式洋葱蒜蓉烧鸡，用铁板烧嘅鸡扒真系好嫩滑，每咬一啖都好多肉汁，配埋上面嘅一堆蒜蓉，真系好正。最后推荐大家试吓佢嘅法包。如果唔怕蒜蓉味，就可以试吓佢嘅蒜香法包，如果唔系嘅话就试吓芝士法包，个包香得黎又够晒软熟，每次就算食唔落都会打包走架。