台灣麵

营业中

休息中

住荃湾依间台湾野我真系由细食到大，因为选择多价钱平，同味道真系唔错嘅！最钟意系依到个双排双格餐，成日好多嘢都想食，呢个餐可以满足到，因为一次可以拣两样主食，一碗分两格咁。不过今次就太想食面所以直接嗌左红烧牛筋牛肉粗面（$61）呢碗牛肉面真系好好食，首先个汤底好浓牛骨味，面条方面系粗嘅面条，煮得啱啱好好有咬口唔会林晒，牛肉都好滑同好松软，依个价钱真系抵食！另外仲加多左个红油抄手（$42），中规中矩，个酱可以再重口味少少！但整体来讲呢间系几好嘅，所以挂住台湾野就一定谂起佢！