九井壽司 (已結業)

今天做嘢来到九龙湾嘅Mega Box，谂起曾经帮衬过嘅『九井寿司』，又挂住佢嘅送餐新干线火车，因此又来了，之前部平板电脑系可以移动嘅，今次固定咗，起初有D唔习惯，要侧身使用，之后亦都惯咗。『蒲烧厚鳗鱼定食』，果然好厚身，又入味，饭面舖咗D蛋丝，靓仔咗，定食有汤，有沙律跟，正常好食而且抵食。『三文鱼海胆丼定食』三文鱼有成六片，好鲜甜，海胆亦好味，朋友话好食过DD超市𠮶D。『味付芝麻八爪鱼』和『味付螺肉』，好味弹牙，价钱平到一个点。『北寄贝』和『甜虾』刺身超新鲜亦唔贵，食咁多嘢三佰蚊都唔使，你话系唔系好超值。