Cafe 52 (已結業)

嚟到位于元朗 以兔子做主题嘅Cafe 52🐰舖头嘅位置其实比较近朗屏西铁站 由朗屏站行落去大概5分钟路程就到 都几方便 望一望餐牌 最令我惊喜嘅系价钱 大部份嘅食物售价都好相宜 而食完之后 绝对觉得物超所值 因为食物嘅质素都相当唔错叫咗两个小食黑松露薯条 份量多 薯条香脆 除咗黑松露酱 亦都准备咗一兜茄汁 可以两种口味。香辣蜜糖烧鸡翼 皮脆肉嫩 蜜糖味比辣味多。午餐我要香煎龙脷柳煎蛋饭配蕃茄沙沙酱 鱼肉几嫩 配蕃茄沙沙酱 再加煎蛋捞埋饭食 好夹。朋友要咗个豚肉腩片新鲜什菌配日式芥末忌廉汁长通粉 豚肉腩片配烧汁 口感唔错 佢话最正系芥末忌廉汁好好味。