小蓉麵家

营业中

休息中

同个friend 响太子打完波，觉得有啲肚饿，于是揾下附近有咩食，行行下见到小蓉面家，佢话之前食过云吞面，真心几好食又唔贵，推介我去试下。店舖干净企理，一边系卡位另一边系中式圆枱同櫈，整体空间感十足，最紧要冷气特别凉😍。睇过餐牌，食物款式唔多，我哋点咗两碗面。南乳猪手河 $33.-猪手有2大件，炆得入味软糯，一咬块猪皮就化开，河粉滑溜唔易断，好食。凤城水饺河 $33.-水饺粒粒饱满馅料足，猪肉同虾嘅比例啱啱好，虾肉爽口猪肉味香，唔错。虽然我哋最后冇食云吞🤣，但系呢两碗粉面都证明到呢间面店嘅质素几好，下次我会试埋个云吞面。