得閒飲茶

营业中

休息中

呢间餐厅就喺太子地铁站A出口斜对面, 午饭时间超多人,喺外面排晒队。 今日约咗几个朋友去饮下午茶， 已经系晏昼四点， 所以唔使排队， 一入去就有位喇。 今次叫咗几样点心， 分别系椰香黄金糕、山竹牛肉球、蜜汁叉烧肠、紫薯流沙煎堆仔、日式翡翠豆之和凤爪排骨饭。 黄金糕味道清甜； 牛肉球味道好和叉烧肠够滑； 翡翠豆之炸得松脆； 我最钟意流沙煎堆仔， 外脆内软， 里面嘅流沙不断涌出； 不过凤爪排骨饭就千祈唔好叫， 啲饭煮到好似粥咁， 排骨嘅质素也未如理想， 骨肉分离。 佢哋嘅茶钱收四蚊一位， 叫埋可乐， 免收加一， 埋单189蚊。 我哋由四点坐到六点， 真系大满足！