一韓燒

营业中

休息中

间唔中就会过去Mikiki𠮶边 呢度有间一韩烧系我几钟意嘅🥩抵食又好味 而且装修都好舒服 够晒宽敞 抽气做得好 食完之后完全唔会有油烟味😌同朋友一人点咗一个餐share食 套餐会有埋前菜/汤同饭🍚ꕥ 北海道产黑毛和牛套餐有牛肩胛同肉眼盖两个部位 所用嘅黑毛和牛嚟自北海道🇯🇵牛肩胛好软嫩 充满肉汁 而肉眼就薄薄地好大块 油脂平均 入口好有溶化感🐂两款除咗点烧肉汁 另外仲配有黑松露日本生鸡蛋 可以点蛋汁食 更加香🤤咁正嘅牛越食越开胃 所以额外追加咗牛五花同牛板腱 同样充满油香 牛味浓郁ꕥ 饱住瘦身餐钟意食猪嘅必点‼️个名叫饱住瘦身 其实系一个生酮餐 无淀粉质 主要系豚肉同生菜🥬将黑毛猪五花肉烧好 再用菜包住食 记得将韩式辣酱同蒜头包埋一齐 呢种韩式食法会更香🇰🇷个人会将豚肉烧到焦香 边位带有少少脆身 口感一流👍🏻最后仲食埋甜品奶酱牛角包窝夫 好酥脆🧇而且又唔会太甜 同埋当时咁啱特饮有7折 就叫咗青苹果乳酸同玫瑰茘枝梳打🍹大大杯食烧肉饮就啱晒啦