影片
更多
2021-09-08
98 浏览
Mcdull嘅猪朋友推介，又真系几好食㖞🐽🤤黎到铜锣湾，打开openrice search左好耐都唔知食乜，咁多鳝稿都唔知信边个，Mcdull就话上次同佢嘅猪朋友食过一间几好食嘅面店，不如试下丫。心谂，好食又一餐唔好食又一餐，咪试下「唔好食」啰，低期望底下，又真系喜出望外㖞。「蕃茄仔」Red Object，佢位于铜锣湾好出名食双肠热狗嘅丹麦饼店附近，𠮶度都真系几多食店，对面就有荣式鸡扒，侧边就有妈咪鸡蛋仔，竞争都几大。我地12:30左右等左一阵就入得，依度个好细，放得十张左右嘅二人枱，都几迫下。店员系个细粒粒娇滴滴嘅女仔，都几靓,啲纹身。我一坐低，佢都几客气咁讲：「麻烦」食完就埋单，比较多人等位。佢嘅表情肢体语言，都令我谂到佢嘅OS「食完就快叉啲走，咪鬼坐咁耐牙鬼住张枱」我明嘅，生意难捞。但讲真，你写到明限时30分钟咪得啰，钟意就入嚟唔钟意就过主，咪唔洗个个都温馨提示，多鬼鱼。做人要大爱，包容。讲返碗面，Mcdull叫咗蕃茄牛魔王($78)特级安格斯牛肩胛并牛展配上海面；我就叫咗蕃茄豚三宝($78)(猪手+猪扒+猪肉片)配刀削面牛肩胛有烤肉味，牛展厚砌有肉味够淋👍蕃茄汤底浓得黎唔会希溜
黎到铜锣湾，打开openrice search左好耐都唔知食乜，咁多鳝稿都唔知信边个，Mcdull就话上次同佢嘅猪朋友食过一间几好食嘅面店，不如试下丫。心谂，好食又一餐唔好食又一餐，咪试下「唔好食」啰，低期望底下，又真系喜出望外㖞。
「蕃茄仔」Red Object，佢位于铜锣湾好出名食双肠热狗嘅丹麦饼店附近，𠮶度都真系几多食店，对面就有荣式鸡扒，侧边就有妈咪鸡蛋仔，竞争都几大。
我地12:30左右等左一阵就入得，依度个好细，放得十张左右嘅二人枱，都几迫下。店员系个细粒粒娇滴滴嘅女仔，都几靓,啲纹身。
我一坐低，佢都几客气咁讲：「麻烦」食完就埋单，比较多人等位。佢嘅表情肢体语言，都令我谂到佢嘅OS「食完就快叉啲走，咪鬼坐咁耐牙鬼住张枱」
我明嘅，生意难捞。但讲真，你写到明限时30分钟咪得啰，钟意就入嚟唔钟意就过主，咪唔洗个个都温馨提示，多鬼鱼。
做人要大爱，包容。
讲返碗面，Mcdull叫咗蕃茄牛魔王($78)特级安格斯牛肩胛并牛展配上海面；我就叫咗蕃茄豚三宝($78)(猪手+猪扒+猪肉片)配刀削面牛肩胛有烤肉味，牛展厚砌有肉味够淋👍蕃茄汤底浓得黎唔会希溜溜，唔系净系得个酸字，好味；上海面正常冇咩特别。
猪扒好食，食猪扒最紧要最紧要最紧要够肥。猪扒干争争真系好难入口，依度嘅猪扒肥得黎松软，好食👍猪手同豚肉就只系正常；刀削面就系759货色麻麻地。
其实几好食，但坐位太迫，服务麻麻，我应该会翻兜，不过系叫外卖拎返屋企食🤷♂️
Mcmug综合评分：7/10，服务麻麻-0.5, 难得黄店系好食+1, 值得外卖 7.5/10
Mcdull 综合评分：8/10，蕃茄汤底真系好好食，但系服务态度好差，令人却步 -2= 6/10
张贴
