火鍋本色 (已搬遷) 新店位置

同几个fd睇完戏,12点钟,天气冻冻地,有人提议打边炉,于是就去左火锅本色,我地叫左黄金蚬汤,汤底够浓好好味道,蚬size适中,汤底d豆腐好滑,叫左本地手切肥牛,正,够林又有肉味,丸子几弹牙,象拔丸好似有d揾笨,因为象拔本身就无乜味,响铃够脆够新鲜,唔错,叫左豆苗佢地话卖晒,但系佢地员工食宵夜果度我见到有一篮豆苗,我觉得应该做生意紧要过员工用膳挂,最惨系俾我地见到,包鱼仔几新鲜都算抵食,油炸鬼酿左d虾胶几特别几好食,粟米好甜但系讲到服务就真系麻麻地,d人十问九唔应,好似唔休做咁,明明话2点关门,1点3已经又执野又拉闸,个经理又同d伙记讲:你地收工先啦,搞到我地都唔好意思坐咁耐,拿拿林食完就走,但系总括黎讲系好食既,值得再去,不过下次应该会早d去