影片
更多
2014-07-20
623 浏览
继上次返完教会，老友一车车返晒我哋成班美孚街坊嚟「又一间」食晏，今次原班人马，再度踩场，踩场就讲得夸张啲，都喺揾啖饭食啫。又一间都帮衬过好几次，食评都有几篇，所以，环境依啲多余嘢唔讲。一坐低就睇睇有咩午餐好食。依日所见，午餐分两类，分别喺精选午餐及炒粉面饭套餐：精选午餐（$48-$54）：一共7款，送餐汤或沙律，以及咖啡或茶；炒粉面饭套餐（$46-$52）：一共8款，包是日小食一款，送餐汤或沙律，以及咖啡或茶。午市好就好在无加一。沙律个沙律嚟咁多次都无变，照样喺沙律菜、罐头什果、车厘茄、红腰豆，沟沙律酱，绝对无惊喜，亦有种倒模模式嘅感觉。芝士白酒汁焗石斑饭 $48虽然个侍应话焗饭制作需时，搞到我都等咗成20分钟，啲朋友都食咗成大半先嚟我个焗饭。睇卖相，似乎唔错，个白汁又加咗少少刁草，不过，面层个汁底，绝大部份都喺白汁，芝士好少，更喺唔太觉得有咩酒香；另一失望位喺饭底，唔喺炒饭嚟，只喺白饭而已，幸好啲饭粒唔点烂，否则就恶啃；啲石斑，即喺鱼柳，质感就不过不失咁，却喺薄得无乜肉地！奶茶虽然用上「黑白奶」茶杯，但唔代表啲乜嘢，因为，个奶茶有茶香，可惜唔够滑。其他朋友仲食咗精选午餐嘅蒜香蚬肉天使
又一间都帮衬过好几次，食评都有几篇，所以，环境依啲多余嘢唔讲。一坐低就睇睇有咩午餐好食。依日所见，午餐分两类，分别喺精选午餐及炒粉面饭套餐：精选午餐（$48-$54）：一共7款，送餐汤或沙律，以及咖啡或茶；
炒粉面饭套餐（$46-$52）：一共8款，包是日小食一款，送餐汤或沙律，以及咖啡或茶。
午市好就好在无加一。
沙律个沙律嚟咁多次都无变，照样喺沙律菜、罐头什果、车厘茄、红腰豆，沟沙律酱，绝对无惊喜，亦有种倒模模式嘅感觉。
芝士白酒汁焗石斑饭 $48虽然个侍应话焗饭制作需时，搞到我都等咗成20分钟，啲朋友都食咗成大半先嚟我个焗饭。睇卖相，似乎唔错，个白汁又加咗少少刁草，不过，面层个汁底，绝大部份都喺白汁，芝士好少，更喺唔太觉得有咩酒香；另一失望位喺饭底，唔喺炒饭嚟，只喺白饭而已，幸好啲饭粒唔点烂，否则就恶啃；啲石斑，即喺鱼柳，质感就不过不失咁，却喺薄得无乜肉地！
奶茶虽然用上「黑白奶」茶杯，但唔代表啲乜嘢，因为，个奶茶有茶香，可惜唔够滑。
其他朋友仲食咗精选午餐嘅蒜香蚬肉天使面（$50）、松板牛肉饭（$48）及炒粉面饭套餐嘅黑椒鸡丝炒乌冬（$50）、鲜茄海鲜汤饭（$46），而炒粉面饭套餐所送嘅是日小食喺咖喱角1只。睇卖相，我就觉得个蒜香蚬肉天使面及鲜茄海鲜汤饭几掂咁款，不过，味道就只有佢哋先知得最真，听朋友话，啲嘢唔错。
即喺小弟最无眼光，拣咗款水准大跌嘅焗饭。仲有就喺，啲侍应做得有啲迤（hea），其实见佢哋走嚟走去忙过不停咁，唔可以话佢哋游手好闲，但梗喺好似唔上心咁，好似餐具叫几次先俾齐，水又要叫先俾，总之依样要追，𠮶样又要问！
张贴
