恆河咖喱餐廳 (已結業)

同男友两个又周围食，今次拣左呢间。其实之前在东大街都食过，发现咖喱太多，一人一个餐食唔哂，加上剩返好多咖喱汁，所以今次就两个人一个餐，选了辣牛尾，配蒜茸烤饼，再加一份普通烤饼，餐饮转士多啤梨乳酸。男友叫完之后去厕所，我就攞杂志来看。好快来汤，试一口，似青豆甘荀蓉汤，几「容」，不过我兴趣不大，由男友解决。之后黎咖喱烤饼，好不错，烤饼又热又脆，两大块，香喷喷咁，沾咖喱汁食好味。加上美味的薯仔，正。咖喱除了汁有两大件牛尾同一件薯仔，我觉得可以多点薯仔，牛尾细o的。牛尾几林，有筋，我最钟意，同男友一人一件刚好。后来来了蒜茸烤饼，哗超香，有葱同蒜的香味，好钟意。食到中段，黎左乳酸。初试有点药味，但食多两啖又ok，食完咖喱再饮简直perfect，因为酸甜冰冻可以解辣。其实佢杯饮品好大杯，我同男友都唔太好饮野，两个人一杯都嫌太大杯。唔知系咪我同男友都细食呢，我发现好多食肆我地都要share一个餐先唔会浪费食物，有时都几唔好意思。(当然大家乐例外啦，o的野鬼咁少)埋单唔驶加一，两个人59蚊，好抵。