海記魚蛋粉麵 (已結業)

比起锯扒、意粉个d，其实更钟意食下汤粉面，放假同屋企人走嚟整返碗做午餐，附近最好食算系海记，起码卫生好过出面个间🤭叫咗碗牛腩河 $35，每次都系劲多旧牛腩，多到分咗d 俾屋企人食，佢d 牛腩唔似出面有d 舖头劲深色，又够淋，好正，河粉又唔会碎晒烂晒咁，不过今日个汤好似淡咗d 。屋企人就食牛筋鱼蛋河 $44 ，牛筋又系好多，反而鱼蛋得两粒😂😂，牛筋我都夹咗两旧嚟食，都几正，口感几好。另外加咗鱼皮 $11，叫咗粉面加先系$11 ，如果单点一碟好似$20定$21，佢个鱼皮一向都几好食，平时打边炉嘅话都会走嚟佢度买，唔会过咸，唔会一浸就淋到呀妈都唔认得。