旺江南拉麵小籠包 (已結業)

见到团购有优惠，75蚊买150蚊既现金劵，觉得几抵，所以买左2张试下。BOOK位BOOK左成星期先BOOK到，日日都话FULL㖞。买团购时都知要另外俾茶钱同埋个小食，都算，但个小食就系唔系咁好味，比较淡，卖相都系一般。之后叫左个鸡丝粉皮，味道OK，可惜分量太少，食完同无食无咩分别。最后终于到主菜，我叫左个酸辣汤面，而我朋友就叫左嫰鸡汤面，大家SHARE食，2个汤面都算OK，个酸辣汤真系值得一赞，够浓又入味，唔会水，同埋系酸辣味适中，饮落好正宗。甜品叫左个豆沙锅饼，呢个真系最好味，可惜唔记得左影相。至于环境方面，位系比较难订，同好嘈同多人，除此之外整体黎讲都算唔错。