紫丹亭後街牛扒 (已搬遷) 新店位置

又系食晏时间，又系对脚带路行咗去W square后面条巷睇下食乜好， 发现有间叫后街牛扒，牛魔王既我就紧系话试下都好㖞，点知。。。。。叫得后街牛扒咁应该主打系牛扒啦，见到餐扒有牛肩里脊扒，真心未食过，牛颈脊打边炉就食得多，就一于叫呢个要5成熟啦。 同事就叫咗个焗猪扒饭。个牛肩里脊扒完全冇惊喜，叫个普通什么西冷都系咁差不多，而且都一样有筋，个扒应该似3成熟多过5成。70分 反而同事个焗猪扒既猪扒仲好食过个牛扒。85分 间嘢其实系咪应该改名呢？个餐跟一杯(sake杯咁大) 面豉汤，都有只蚬仔既。最最最差系杯咖啡，你用即冲都唔紧要，够胆C叻到用3合1 个种，仲要系一包冲两杯水既比例 半个咖啡控既我只可以比30分佢。