御鐵

营业中

休息中

闺蜜早前话想食铁板烧，今日大家都可以早放工，可以系铜锣湾先行个街，再食晚饭。餐牌以套餐为主，三心两意的我地决定要两个唔一样的，一齐食。整个用餐体验很好，而烹调方法配合食材，特出食材的鲜味，而份量都是大大份，同价钱成正比。有几道菜式仲令我印象深刻。南非孔雀鲍配海苔沙律酱 - 南非鲍鱼，厚身但易咬。真的用上原只鲍鱼，仲配有烧鲍鱼内脏。烧的时候无加任何调味，鲍鱼本身带咸鲜味，呢个食法能食到鲍鱼的原味，钟意多一点层次可以点酱食。斑马赖尿虾 - 同手臂差不多长的巨大赖尿虾，肉质非常弹牙，味道鲜甜。熊本县产A5和牛厚烧 - 即场点火烟熏，为味道加上多点层次之余，仲好有睇头，可以打下卡。牛脂丰富，肉质软熟，有入口即溶嘅感觉。钟意点少少盐同夹块自家制蒜片，丰富口感同层次。清酒煮蚬汤 - 因为酒精系烹调的时候已经蒸晒，所以饮到只有鲜甜味，仲有大大粒花甲。海胆乌鱼子炒饭 - 个饭有乌鱼子和海胆，再加了大量的葱花炒饭，非常惹味。其实已经饱，但都忍唔住食晒😅最欣赏呢度d 职员十分友善亲切，唔会好拘谨，仲好细心提我地要带遮。