影片
更多
2014-02-20
8188 浏览
好友系high tea 狂热，所以个几月前已经mark 定我地schedule，book 定呢度既下午茶餐喇!因为要三点先可以入，所以登记左之后就带左我地去lounge戈度坐，够钟就有staff带返我地入去餐厅坐。不过呢日太阳伯伯十分 "给力"，被安排坐喺落地玻璃傍边既我地，即刻要求坐隔离卡位，侍应话要check下有无人request左先，好彩无人request，如果唔系就成餐都要晒太阳喇~安顿好哂之后就要拣饮咩喇~除咖啡同基本既茶之外，仲有玫瑰香片茶、薰衣草菊绿茶、桂花乌龙茶、人参乌龙茶、甜蜜回忆茶...甜蜜回忆茶? 咩黎架? 虽然侍应解释左系咩，不过已经唔记得左入面有咩茶叶lu，只可以讲系苦苦涩涩，唔同其他茶咁有香味，仲被朋友笑 "系咪你d回忆苦，所以d茶苦咋!" 无言...... 上完茶之后就有细细杯既湘莲百合杏仁茶，质地比较稀，杏仁味突出，无平时既杏仁茶咁甜，较清淡，唔会饮完之后盖过之后既食物味道。跟住好快就上中式点心，卖相非常精致，蒸笼仔内有松露南瓜饺 & 甫鱼烧卖皇 ，用上南瓜皮做既松露南瓜饺有好香既南瓜味，加埋里面既什菌，味道清新，最啱喜爱食菇既我~甫鱼烧卖皇 - 虽然用
因为要三点先可以入，所以登记左之后就带左我地去lounge戈度坐，够钟就有staff带返我地入去餐厅坐。
不过呢日太阳伯伯十分 "给力"，被安排坐喺落地玻璃傍边既我地，即刻要求坐隔离卡位，侍应话要check下有无人request左先，好彩无人request，如果唔系就成餐都要晒太阳喇~安顿好哂之后就要拣饮咩喇~除咖啡同基本既茶之外，仲有玫瑰香片茶、薰衣草菊绿茶、桂花乌龙茶、人参乌龙茶、甜蜜回忆茶...甜蜜回忆茶? 咩黎架? 虽然侍应解释左系咩，不过已经唔记得左入面有咩茶叶lu，只可以讲系苦苦涩涩，唔同其他茶咁有香味，仲被朋友笑 "系咪你d回忆苦，所以d茶苦咋!" 无言......
上完茶之后就有细细杯既湘莲百合杏仁茶，质地比较稀，杏仁味突出，无平时既杏仁茶咁甜，较清淡，唔会饮完之后盖过之后既食物味道。
跟住好快就上中式点心，卖相非常精致，蒸笼仔内有松露南瓜饺 & 甫鱼烧卖皇 ，用上南瓜皮做既松露南瓜饺有好香既南瓜味，加埋里面既什菌，味道清新，最啱喜爱食菇既我~甫鱼烧卖皇 - 虽然用鱼黎做烧卖，不过味道较普通。食完热食就到炸物，千丝凤尾虾 - 香脆既丝丝包住凤尾虾，有点儿包得太实，唔太食得出虾味，不过都算弹牙...凤梨鹅肝酥 - 比较失望既菜式，完全唔觉入面有凤梨同鹅肝，只系一个普通既酥，如果唔系朋友话系鹅肝，我食完都唔觉~葡汁蟹肉酥 - 葡汁十分香浓，配上蟹肉丝，口感特别，系比较喜爱既咸点。蜂巢脆芋角 - 外脆内软，芋头好香，绝无油腻感觉。总括而言，中式点心口味比较清新，唔会好似茶楼咁，食完好滞好"漏"。
食完点心后，唔知系咪侍应见我地倾得高兴唔打扰我地，见其他人上哂甜品，但我地等左好耐都未有...不过都可能系四点几，侍应够钟落场，无人理我地，想加水都要等人出现先叫到........好啦，终于见到靓靓两层架喇! 大家都不禁哗左一声~真系十分精致! 先食下层玫瑰烟鸭胸蝴蝶夹，暖暖的，鸭胸唔会太硬，涂上海鲜酱，唔错!
之后真正到甜品喇~红莓柠檬芝士球 - 酸酸甜甜，味道清新，唔错! 芝麻脆饼 - 口感特别，外面既芝麻饼脆，加上中间既有d厚身既朱古力mousse，值得推介! 栗子法式焦糖炖蛋 - 应该系比较唔花巧既一款甜品，焦糖烧得唔够，味道较为普通。而甜品中较为欢喜既桂花荔枝啫喱 - 荔枝酸酸甜甜，好香，荔枝下既桂花啫喱，较清甜，可清清口腔既荔枝味。朱古力茉莉花蛋糕 - 香浓既茉莉花味加上特浓朱古力蛋糕，配合得好好! 最后既系松露朱古力 - 原本以为系硬既朱古力，但一摆落口已经溶化，非常香浓!
总括而言，整个下午茶餐感觉健康，味道清新，造型精致，不过可能食之前有太高期望，食完有种不外如是既感觉。但以每set HK$488+ 既价钱，都算物超所值既~
张贴
