阿來泰式地道風味 (已結業)

第一次去阿来泰式(长沙湾分店)个整体感觉几好。食咗好多野都系＄260，劲抵！尤其是系下午茶时间，好多嘢食都有折扣优惠。最好食系芒果糯米饭，系泰国餐厅必定要尝试嘅菜！糯米饭柔软度适中再加上香甜椰汁，味道一流，再加上芒果嘅配搭，真系口感十足，谂返起都番寻味。另外一个必食嘅系泰式沙嗲串烧，半打有六串，猪同鸡各有三串。侍应一送到埋黎已经香喷喷，好想即刻食，卖相一流。我哋仲叫咗一碟生菜包，味道一般但胜在够大碟，两个人都食唔晒。另外，泰式生虾刺身亦都系本店既推介菜，口感鲜甜爽滑，再加上秘制酱汁简直一流！我仲叫咗一杯椰汁冰同龙眼冰。下午茶加特饮都系只需要加＄5，劲抵食。全个餐埋单都唔使＄50。椰汁冰入边啲椰肉同啫喱劲好食，而且好香椰汁嘅味道。而龙眼冰对于我来讲略为偏甜，不过啲冰融左之后都几好，如果大家想试可以叫佢少甜。阿来泰式位于长沙湾A2出口，十分方便，搭地铁行过去之后行5分钟，地区旺中带静。室内环境挺好，装修充满着泰国嘅味道，而侍应服务态度良好友善。