影片
更多
2011-06-25
522 浏览
趁未到暑假未热到无晒胃口，所以就趁机去呢度打边炉。记得早两个月同一大班同学由夜晚7点食到半夜3点， 点会对呢间火锅店无印象呀?夜晚8点唔够去到，因为太座未到，本来都想行一阵先入去，但系记得上次一到8点就座无虚席，回心转意之下，都系入去坐住等好过，好彩! 入到去只系剩返一张细枱，要多张都无；坐咗唔够10分钟就全塲爆晒。坐低第一时间除咗睇下有咩好食外，立即同经理讲留一碟圣子俾我先!!!事关根据以往经验，圣子系会好快卖晒嘅!因为入货量唔多，但系又新鲜好食!!!之后，俾我见到象拔蚌剌身跟汤底有特价嘅单张，既然有平，唔驶谂啦，即刻叫番个先!因为我怕迟叫会无晒。另外，记得上次食条活鱼好味又抵食，所以今次再叫多次，今日嘅系花蚌，上到枱个口仲擘擘下架!!!保证新鲜同即叫即切!!!现家用$98都唔知去边度可以食到，仲要侍应见你食完后会立即同你拎咗去…….切番啲骨俾你打边炉㖞!!!真系好抵食又唔浪费架!!!由于已经叫咗咁多嘢而只得两个人食，所以今次唯有罕有地唔叫鸡子，不过，牛肉同菜就一定要叫架啦；唔食牛肉不如唔好打边炉，系唔系?!呢度嘅本地手切牛肉虽然唔系啲咩贵价货食，但系就同出边较贵嘅有得挥，因为价钱实
夜晚8点唔够去到，因为太座未到，本来都想行一阵先入去，但系记得上次一到8点就座无虚席，回心转意之下，都系入去坐住等好过，好彩! 入到去只系剩返一张细枱，要多张都无；坐咗唔够10分钟就全塲爆晒。
坐低第一时间除咗睇下有咩好食外，立即同经理讲留一碟圣子俾我先!!!事关根据以往经验，圣子系会好快卖晒嘅!因为入货量唔多，但系又新鲜好食!!!
之后，俾我见到象拔蚌剌身跟汤底有特价嘅单张，既然有平，唔驶谂啦，即刻叫番个先!因为我怕迟叫会无晒。
另外，记得上次食条活鱼好味又抵食，所以今次再叫多次，今日嘅系花蚌，上到枱个口仲擘擘下架!!!保证新鲜同即叫即切!!!现家用$98都唔知去边度可以食到，仲要侍应见你食完后会立即同你拎咗去…….切番啲骨俾你打边炉㖞!!!真系好抵食又唔浪费架!!!
由于已经叫咗咁多嘢而只得两个人食，所以今次唯有罕有地唔叫鸡子，不过，牛肉同菜就一定要叫架啦；唔食牛肉不如唔好打边炉，系唔系?!呢度嘅本地手切牛肉虽然唔系啲咩贵价货食，但系就同出边较贵嘅有得挥，因为价钱实惠，而且份量够同有牛肉味，打边炉食太多油脂嘅肥牛我就觉得麻麻地，因为太肥腻喇!
由于无我嘅至爱唐蒿，唯有退而求其次食皇帝菜，OK啦!呢味菜我话到有几好食都唔会有人信啦，咪又系菜一碟。
由于地点关系，呢度比较热闹同嘈杂，始终都系太子，但系侍应到无话人多而当我无到；钟意饮啤酒嘅人就更加喜欢呢度，因为嚟亲总会有一种啤酒做特价，而我呢次就咁啱系我最喜欢嘅品牌添。要食中价火锅，呢度系我嘅不二之选!
张贴
