金滬庭京川滬菜館 (已結業)

东涌饮茶食小菜，东沪庭系一个好好嘅选择！因为佢机场员工同东涌住户都有折！今日嚟食lunch,望住个餐牌真系有d眼花撩乱，因为佢除咗本身嘅点心纸，上面已经有上海菜必食之小笼包、萝卜丝酥饼、生煎包，更有个好抵食嘅4人商务午餐，一碟樟茶鸭（或转葱油鸡）加3个小菜加4个白饭（或转担担面）加甜品送汤（或转豆浆）都只系四百几蚊！最后叫咗我好钟意食嘅黑醋排骨、奶油津白、葱爆牛肉，加4个担担面及樟茶鸭。3个小菜全部都好好食，呢个店d嘢食好有水准！最估唔到系担担面，谂住佢饭转成的就会变迷你版，点知嚟4碗4碗都系standard够几个人share𠮶种，都咪话唔吓亲。樟茶鸭跟馒头上，同事话系要馒头连鸭一齐食的，但我实在太饱，决定留胃口唔食馒头，樟茶鸭本身有d干，唔特别好食。小笼包一贯咁好味，生煎包入面系有汁「必」出嚟𠮶种，好好味。甜品拣豆沙窝饼，饼皮太厚就没太大惊喜。