麻辣五三五 (已結業)

食辣绝对系一个挑战，特别系辣得嚟又香又有层次嘅麻辣，真系令人非常喜爱；但每次食完麻辣之后，第二朝肚仔总会唔舒服。不过，唔理得咁多，好味嘅嘢当然要食咗先讲。今日同M佬嚟到尖沙咀麻辣五三五，呢度嘅川菜价钱非常亲民，嚟到就一定要试吓佢嘅烤鱼啦！水煮烤鱼烤鱼有唔同嘅汤底选择，包括水煮、酸菜、麻辣、香茜皮蛋同清香，我哋就拣咗水煮。餐厅先将原条𫠐鱼炸熟，再放上烤盘，令鱼肉更鲜嫩弹牙；另外，𫠐鱼嘅骨唔多，啖啖肉真系好满足。至于汤底用咗大量辣椒、花椒同香料，越食越辣。配料食水煮烤鱼，配料当然唔少得。本身跟锅上嘅配料除咗辣椒等香料之外，就只有唐芹，所以我哋叫咗嘅配料都以索味为主。我哋叫咗鲜枝竹、莴笋、猪颈肉同水晶粉。喺我哋落配料前，店员会将水加入烤鱼嘅汤底，但加完水之后，汤底即刻变得好淡唔辣，所以喜欢重口味嘅，建议加少啲水，或者唔加水喇！麻婆豆腐豆腐够嫩滑，辣味好香好有层次，非常惹味。干煸四季豆份量非常多，炒得够干身，好有镬气。肉碎份量多，咸香十足。