影片
更多
2022-05-25
83 浏览
到到而家五月，都仲见到街上面有人着住长袖衫出街。朝头早，其实好似仲有一点点凉意添。一时仲要暴雨警告，落住雨有时困喺屋企，真系好闷。好彩近排俾我发现到喺美孚𠮶度，都有一个大型嘅娱乐地方，有得食，仲有得玩添。室内草地滚球场，多数其实见到都系一啲上咗年纪嘅人玩，但其实我觉得年轻人玩都好适合。因为本身个游戏规则其实非常简单，就系用波去撞波，然之后最接近一个特定嘅波咁就赢。如果滚球唔啱，其实可以玩扔飞镖同埋打街机，呢啲应该够晒青春啦挂。飞镖机如果你帮衬餐饮，就可以用$5一局价钱去玩，8Rounds可以扔24支镖。原来佢呢度仲有得做健身添，不过就只限join左月费嘅会员。不过我见佢啲设施都几齐备又新又靓。其实系呢啲娱乐场所嘅隔离就有一个餐饮区，大家就可以坐低饮杯嘢、食正嘢，同一间正常嘅西餐厅一样咁有高质素㗎！见佢都好似有一啲happy hour嘅promotion，有一啲小食同埋啤酒嘅套餐可以选择，我哋就饮红白酒。烟肉杂菜温泉蛋沙律呢一个沙律入边有羽衣甘蓝同埋其他杂菜，已经留咗意大利黑醋同埋橄榄油，非常惹味。值得一提嘅系佢哋呢度嘅烟肉系自家制，用猪腩肉制成！肥膏已经炸出晒嚟，烟熏香味特别重，又脆口
室内草地滚球场，多数其实见到都系一啲上咗年纪嘅人玩，但其实我觉得年轻人玩都好适合。因为本身个游戏规则其实非常简单，就系用波去撞波，然之后最接近一个特定嘅波咁就赢。
如果滚球唔啱，其实可以玩扔飞镖同埋打街机，呢啲应该够晒青春啦挂。飞镖机如果你帮衬餐饮，就可以用$5一局价钱去玩，8Rounds可以扔24支镖。
原来佢呢度仲有得做健身添，不过就只限join左月费嘅会员。不过我见佢啲设施都几齐备又新又靓。
其实系呢啲娱乐场所嘅隔离就有一个餐饮区，大家就可以坐低饮杯嘢、食正嘢，同一间正常嘅西餐厅一样咁有高质素㗎！
见佢都好似有一啲happy hour嘅promotion，有一啲小食同埋啤酒嘅套餐可以选择，我哋就饮红白酒。
烟肉杂菜温泉蛋沙律
呢一个沙律入边有羽衣甘蓝同埋其他杂菜，已经留咗意大利黑醋同埋橄榄油，非常惹味。值得一提嘅系佢哋呢度嘅烟肉系自家制，用猪腩肉制成！肥膏已经炸出晒嚟，烟熏香味特别重，又脆口，咸咸香香，而且冇化学成份，特别健康！
法式洋葱汤
佢嘅洋葱汤总共用咗五款葱去炮制，有红洋葱、白洋葱、红葱头、青葱等。出边仲铺咗一层芝士，呢一层芝士系用咗四款，食落特别香味浓郁。法式洋葱汤最好嘅就系食果旧面包，因为吸收晒洋葱汤嘅鲜甜味道。
香煎鲈鱼配薏米及龙虾汁
呢一个厨师推介好啱女仔食，因为一啲都唔肥腻。而且薏米比起传统意大利饭更加健康嘅选择，入口烟烟韧韧，配埋香浓嘅龙虾汁！薏米吸收晒佢嘅精华，仲有粒粒爽脆嘅谁杂菜瓜粒喺入边，增添口感。香煎鲈鱼嘅外层日都煎封得香脆，入边保持滑嫩。
慢煮烧烤汁牛仔骨配薯仔及杂菜
哗上枱嘅份量十分惊人，原来呢一个牛仔骨系二人嘅份量，大家share嚟食都非常足够。见到牛仔骨出边已经布满左一层厚厚嘅烧烤酱汁，闻起来亦都非常之吸引，酸酸甜甜咁样增加你嘅食欲。
呢个牛仔骨已经用慢煮机，煮咗五至六个钟，所以你见到佢嘅肉质系非常之稔，已经稔到离晒骨。厨师亦都好细心咁样已经切开左，所以食起嚟都非常方便。牛仔骨入边嘅肉已经完全吸收晒左烧烤汁嘅精髓，所以食起嚟系非常之浓味。配衬埋啲露丝玛莉嘅薯仔同埋杂瓜粒系非常匹配的。
好开心喺九龙区都有呢一个室内嘅好玩场地有咁多嘢玩，而且食物亦都超水准，落雨咩季节都啱晒一家大细嚟。
张贴
