影片
更多
2021-06-18
51 浏览
尖沙咀厚福街一向都系唔同种类料理既聚居之地，最特别就系有别于北京道个度比较奢华既价钱，响厚福街又有平民既茶餐厅﹑亦有楼上既Fine Dining，亦有著名既甜品铺或日式放题等等，今晚小编就带大家黎到呢个福冈汉堡扒，解释下点解又玩得又食得吧!首先唔好理点解餐厅名为"福冈汉堡扒"，明明系日本既地方名，但就选用韩国既烧烤方式，然后再用澳洲既和牛汉堡扒制作菜色。呢种违和感未入去餐厅已经觉得好得意!餐厅基本上以汉堡扒及丼饭为主要推广菜式，而枱上既餐纸都简单介绍汉堡扒既制作方法：汉堡扒以生肉奉上，然后你就需要逐小切成你钟意既汉堡扒形状，再放上石头烧熟，生熟程度完全由你去几时翻动汉堡扒而决定。基于有得玩有得食既元素，小编就当然点选了可以即烧，又有得即食既芝士蛋和牛汉堡扒(L) ($125)啦! 大中小尺寸既分别就系肉量会以每30g增加，而每级份量既价钱只系差$10，所以计下计下，都系以L尺寸为最抵食吧!点选菜式后，因为汉堡扒餐关系，店员会即刻奉上面豉汤及沙律；隔10分钟后，汉堡扒终于出场喇!为左令场内既油烟减低，每枱都会有个独特既抽风口，方便你将石头直接对正抽风口! (不过其实我见都有唔少客人食食下
首先唔好理点解餐厅名为"福冈汉堡扒"，明明系日本既地方名，但就选用韩国既烧烤方式，然后再用澳洲既和牛汉堡扒制作菜色。呢种违和感未入去餐厅已经觉得好得意!
餐厅基本上以汉堡扒及丼饭为主要推广菜式，而枱上既餐纸都简单介绍汉堡扒既制作方法：汉堡扒以生肉奉上，然后你就需要逐小切成你钟意既汉堡扒形状，再放上石头烧熟，生熟程度完全由你去几时翻动汉堡扒而决定。
基于有得玩有得食既元素，小编就当然点选了可以即烧，又有得即食既芝士蛋和牛汉堡扒(L) ($125)啦! 大中小尺寸既分别就系肉量会以每30g增加，而每级份量既价钱只系差$10，所以计下计下，都系以L尺寸为最抵食吧!
点选菜式后，因为汉堡扒餐关系，店员会即刻奉上面豉汤及沙律；隔10分钟后，汉堡扒终于出场喇!
为左令场内既油烟减低，每枱都会有个独特既抽风口，方便你将石头直接对正抽风口! (不过其实我见都有唔少客人食食下都忘记左对正抽风口，搅到个环境都几大阵油烟味)
L尺寸既汉堡扒都几大份，基本上小编用垂直既切割方式去分开，都可能整到8-9件左右。而制作个阵小编就大约6-8秒就翻1次，基本上底面都煎左6-8秒后都已经接近7-8成熟喇! 所以煎个阵都记住要睇实块扒熟既程度呀!
和牛汉堡扒既肉质由于已经完全搅碎，所以最主要都系享受佢既油脂感，可能系因为和牛既质素，所以煎出黎好香口而唔算太油腻。对小编黎讲份量就差唔多，但如果男士食有机会肉量未必完全足够拌饭，所以建议好似小编咁有埋铁板蛋作伴一齐食。
综观黎讲，餐厅内坐位算多，虽然人与人之间既距离都几近，但因为每人都有自己既抽风口制作汉堡扒，所以都唔会话有太多郁动而影响对方。同时响煎既过程都充分俾你认识煎汉堡扒既技巧，都系玩得又食得既满足体验吧!
题外话/补充资料：
记得如果发觉石头开始凉而唔太煎到个阵，就要叫店员帮手换过旧呀! 同时记得每煎完一块都要用铲清走上面既碎先放过一块新既。
(以上食记乃用户个人意见 , 并不代表OpenRice之观点。)
张贴
