花晨月夕

营业中

休息中

最近朋友带我去食间几正嘅omakase-尖沙咀花晨月夕🍣呢度暗黑风格装修有别于一般和式设计，我觉得几型😆食物高质，价钱合理，我谂我好快会再嚟!有四款刺身+六贯寿司+乌冬。前菜系胡麻酱沙律，味噌汤，仲有茶碗蒸，茶碗蒸系我食过最多料嘅，入面嘅蟹肉多到系每一啖都有㗎🦀刺身有金鲷配甜虾，粒贝，鳕鱼白子，𫚕鱼。金鲷配甜虾有双重鲜味，可以将紫苏叶拆出嚟再点酸汁食，再有唔同嘅层次🔝粒贝本身已用岩盐同柠檬汁调味🍋令鲜味更突出。鳕鱼白子以酸汁同萝卜蓉提鲜，口感十分细腻。𫚕鱼嘅鱼脂充足，入口却不会觉得太油腻，而且质地紧实👍🏻寿司有六款，海胆蟹肉好匹配，互相突出鲜味。鲽鱼加鱼边食落带甘香。金目鲷新鲜清甜。酱油渍赤身比较特别，味道特别浓厚，面头有七彩芝麻令整体食落更香🤤而拖罗嘅丰满油脂，鱼油香同口感都绝对令人满意。海胆手卷有澎湃海胆，洒上金箔更矜贵，以岩盐做调味，再用紫菜包住，超满足。最后有汤乌冬，清甜嘅味道可以一解食完刺身寿司嘅腻感~而甜品就系开心果雪糕！