影片
更多
2022-01-09
222 浏览
📌 柠檬冰室📍 观塘康宁道11号冠天阁高层地下
☎️ 26388809🔹🔹🔹🔹🔹🔹🔹🔹🔹🔹🔹🔹行经裕民坊，离远已经见到一间新开嘅冰室，成间餐厅用上柠檬黄色🍋好eye catching，仲要大胆到用「就系好柠正」做招牌，就睇下几柠正啦！入到去，好好彩有卡位。餐厅环境好新净，柠檬黄嘅配色好sharp 醒光猛。仲有啲靠窗嘅高櫈位望番落裕民坊，好开扬。如果一个人静静地望住条街食都好舒服。💫鲜茄菠萝焗厚猪扒饭（$60）有惊喜！完全无视成本咁爆多芝士🧀铺满整个焗饭！焗嘅时间拿捏得啱啱好，芝士味浓郁仲识拉丝，上面块原片蕃茄🍅好新鲜多汁！菠萝并不是切粒碎上而系好豪气咁成块铺在焗饭上面。饭底系蛋炒饭，饭粒粒粒分明，软熟又有饭香，即使焗咗，一啲都唔硬唔干柴。猪扒好厚身，口感松软香口又唔靭，肉质juicy，配合埋甜酸度恰恰好嘅鲜茄汁，味道层次非常丰富。💫咖喱杂菜蛋饭（$52）以为素🥦嘅咖哩会好单调？咁谂就错喇。呢个咖喱杂菜材料一啲都唔马虎。除咗蛋，仲有薯仔🥔、西兰花🥦、杂菇、蕃茄仔🍅、茄子🍆。茄子仲食得出有炒过，绝对系诚意之作。咖哩够香辣又带少少甜味，送白饭真系一流。💫无冰奶茶（原价$24 / 跟餐+$12）
📍 观塘康宁道11号冠天阁高层地下 ☎️ 26388809
🔹🔹🔹🔹🔹🔹🔹🔹🔹🔹🔹🔹
行经裕民坊，离远已经见到一间新开嘅冰室，成间餐厅用上柠檬黄色🍋好eye catching，仲要大胆到用「就系好柠正」做招牌，就睇下几柠正啦！
入到去，好好彩有卡位。餐厅环境好新净，柠檬黄嘅配色好sharp 醒光猛。仲有啲靠窗嘅高櫈位望番落裕民坊，好开扬。如果一个人静静地望住条街食都好舒服。
💫鲜茄菠萝焗厚猪扒饭（$60）
有惊喜！完全无视成本咁爆多芝士🧀铺满整个焗饭！焗嘅时间拿捏得啱啱好，芝士味浓郁仲识拉丝，上面块原片蕃茄🍅好新鲜多汁！菠萝并不是切粒碎上而系好豪气咁成块铺在焗饭上面。
饭底系蛋炒饭，饭粒粒粒分明，软熟又有饭香，即使焗咗，一啲都唔硬唔干柴。猪扒好厚身，口感松软香口又唔靭，肉质juicy，配合埋甜酸度恰恰好嘅鲜茄汁，味道层次非常丰富。
鲜茄菠萝焗厚猪扒饭
$60
20 浏览
0 赞好
0 留言
💫咖喱杂菜蛋饭（$52）
以为素🥦嘅咖哩会好单调？咁谂就错喇。呢个咖喱杂菜材料一啲都唔马虎。除咗蛋，仲有薯仔🥔、西兰花🥦、杂菇、蕃茄仔🍅、茄子🍆。茄子仲食得出有炒过，绝对系诚意之作。咖哩够香辣又带少少甜味，送白饭真系一流。
咖喱杂菜蛋饭
$52
13 浏览
0 赞好
0 留言
💫无冰奶茶（原价$24 / 跟餐+$12）
每日都要啪杯奶茶嘅我，去茶餐厅毫无悬念会叫奶茶饮。呢间冰室有无冰奶茶特饮，啱晒今日要同朋友倾耐啲嘅我。奶同茶嘅比例刚刚好，茶底都滑，叫咗少甜都有少甜到。强烈建议用餐时间比较长嘅话加多少少$转特饮。
💫华田红豆冰（原价$24 / 跟餐+$12）
杯华田红豆冰上枱果阵真系吓一跳，个分量系mega size! 比杯奶茶大一倍！目测一定超过500 ml 。
原来阿华田同红豆个味系夹架㖞，饮落去系沙冰嘅质地，都算几多粒粒红豆，红豆好甜有开花好够淋，仲有啲红豆系打碎咗落杯特饮度，所以饮落口感好沙不单调。阿华田本身都系甜，呢杯特饮好甜人士一定不能错过。
无冰奶茶 & 华田红豆冰
$24
15 浏览
0 赞好
0 留言
💫柠檬牛油鸡中翼（ $50 / 5只）
呢间冰室叫得柠檬冰室，点可以唔叫个柠檬小食。呢个柠檬牛油鸡中翼卖相好吸引好colourful ! 上枱果阵热辣辣，鸡翼外皮炸到好脆口，食落肉质保持到够嫩滑，一啲都唔干。鸡翼有腌制过，所以鸡肉好入味。虽然系油炸，但用咗柠檬汁佐住，柠檬嘅酸甜味做到解腻又开胃嘅效果。
柠檬牛油鸡中翼
$50
10 浏览
0 赞好
0 留言
另外职员们态度亲切友善。疫情期间都会温馨提示食客嘟同量体温。食落安心又放心。
总括都真系好柠正嘅。👍🏻😋
整体好食指数：🌕🌕🌕🌕🌕🌕🌕🌕🌕🌗（9.5 / 10）
🔹🔹🔹🔹🔹🔹🔹🔹🔹🔹🔹🔹
张贴
