影片
更多
2021-03-31
562 浏览
人在观塘，忽然间想食鱼生海鲜丼，醒起一田超市入面哩间嘢，就试一试佢。我今次点咗大卜口、中卜口、海胆、赤虾、三文鱼、带子、立鱼、什锦海鲜渍、厚切三文鱼腩..... 个饭系醋饭，加咗海苔丝、芝麻同葱。姐姐摆盘攞得唔错，未食睇到都开胃啲。第一啖先试个醋饭，好味㖞。佢个饭醋味唔会好抢、微微食到有酸味，软硬度适中。大卜口咁啱我果旧就有筋嘅，但都尚算肥美。其他刺身正常嘅，系三文鱼切得薄咗少少。虾头有啲变黑咗感觉唔系几好，但食落无问题嘅，因为你唔会连虾头食嘛。至于个海胆呢，哩个价钱我收货嘅，但佢一定唔系好靓嘅货嚟啦。要赞一赞几样嘢，厚切三文鱼腩真系好肥美，有鱼油香；个什锦海鲜渍都渍得好味，唔会死咸，咸香又少少甜，真心好食。叫咗咁多嘢都系$200唔使，性价比系高嘅。唔好抱住食日本菜嘅心态，当自己食紧车仔面就得喇。哩度胜在有set好咗嘅丼，亦可以俾你自己拣刺身，食多食少任你话事。超市咁嘅价钱，但佢个质素系远胜嘅，所以一定会再嚟呀....
我今次点咗大卜口、中卜口、海胆、赤虾、三文鱼、带子、立鱼、什锦海鲜渍、厚切三文鱼腩..... 个饭系醋饭，加咗海苔丝、芝麻同葱。
姐姐摆盘攞得唔错，未食睇到都开胃啲。第一啖先试个醋饭，好味㖞。佢个饭醋味唔会好抢、微微食到有酸味，软硬度适中。大卜口咁啱我果旧就有筋嘅，但都尚算肥美。其他刺身正常嘅，系三文鱼切得薄咗少少。虾头有啲变黑咗感觉唔系几好，但食落无问题嘅，因为你唔会连虾头食嘛。至于个海胆呢，哩个价钱我收货嘅，但佢一定唔系好靓嘅货嚟啦。
要赞一赞几样嘢，厚切三文鱼腩真系好肥美，有鱼油香；个什锦海鲜渍都渍得好味，唔会死咸，咸香又少少甜，真心好食。
叫咗咁多嘢都系$200唔使，性价比系高嘅。唔好抱住食日本菜嘅心态，当自己食紧车仔面就得喇。哩度胜在有set好咗嘅丼，亦可以俾你自己拣刺身，食多食少任你话事。超市咁嘅价钱，但佢个质素系远胜嘅，所以一定会再嚟呀....
自选刺身海鲜丼
74 浏览
1 赞好
0 留言
张贴
