球記海鮮酒家

营业中

休息中

流浮山位于大西北，喺天水围再入，佢嘅后边就系后海湾同深圳。通常大家去到都会行吓条海鲜街吧。今日同班饿鬼投胎嘅死党去下白泥，再返嚟流浮山食晏。朋友话佢帮衬开球记，就即管试下。呢碟椒盐鲜鱿真系好好味呀，啲鱿鱼够新鲜，肉质有弹性。炸浆上得均匀，啲椒盐又够香，几分钟唔洗就清咗碟。喺流浮山大街已经见到店家将一串串诱人嘅金蚝摆出嚟卖，呢度当然都有得食啦。啲金蚝大大只，煎到香脆后落少少蜜糖吊味，蚝味浓厚，钟意食蚝嘅人唔可以错过呀！