北料南麵 (已結業)

呢间北料南面嘅铺头系位于长沙湾同深水埗中间， 所以我搭亲车返长沙湾都成日经过见到好想食， 今日就约咗几位朋友特登去试下因为我地都好钟意食辣嘢。佢哋系用白板笔自己喺餐牌上边圈嚟落单嘅 ，选择都好多有汤面、捞面 、饺子、小食等等 ，老板娘行过 就推介咗我哋食几款招牌菜， 仲好细心提醒我哋呢度嘅小辣等于出面嘅中辣， 所以我哋今次叫咗微辣试下先。少食我哋叫咗蒜泥白肉、口水鸡 、土豆丝、 麻辣海蜇 、皮蛋， 最推介嘅系土豆丝， 佢嘅味道 喺出面我系咪食过嘅系有少少酸辣嘅感觉 ，好清新!! 另外皮蛋同海蜇都好入味， 我钟意!!主食方面叫咗炸酱捞面、 麻辣牛腩大肠面、汤韭菜饺， 牛腩大肠都炆得好淋好入味 ，另外个汤韭菜饺啲馅料好丰富胀卜卜， 如果我下次系自己一个人嚟食，可能我就咁叫个汤饺都已经好足够!!