鼎豐雞煲泰國菜 (已結業)

老豆想食鸡煲，呀妈又想食泰国野，我醒真系揾到间两样野都有！而且佢系小有餐厅坐得咁舒服，因为地方大👍🏻坐低睇左Menu劲多选择，泰国野当然系够多，火锅配料都相当多！结果系我地今次集中食泰国嘢先，下次再食佢果个好吸引既椰青汤底嘅鸡煲😋泰式生虾刺身$132呢个真系食泰国嘢必食，但系我知好多间餐厅都系用雪藏𠮶只🤮。呢度一食就知唔系雪藏嘅。肉质弹牙冇腥味，仲有新鲜虾嘅味道甜甜地！泰式海南鸡半只$148泰国海南鸡最好食就系𠮶块鸡皮🥰，好滑好爽口又够味，最重要系佢去咗骨啖啖肉。泰式猪颈肉飞天炒通菜$88通菜本身炒得好惹味，但略嫌太多水！猪颈肉比较淋身，味道有少少辣，所以两样加埋一齐都好夹！ 泰式椰汁鸡汤$98里面都好足料，有鸡有啲菇咁！味道非常之香浓，椰子同鸡真系好夹！味道系酸酸地咁，因为太细嘅关系可能有啲香茅同埋青柠，非常之开胃！龙眼冰$36店员极力推介龙眼冰，佢话龙眼冰系每日都系自己煲！good,真系冇乜化学香料嘅味！椰清$48嚟到泰国嘢梗系必定必定要叫椰青，我嘅椰青都几大个都算抵饮，冰冻嘅椰青大力啜一啖劲爽。