Goobne Chicken (The Hart)

营业中

休息中

同朋友聚餐，一大班frd 子最好食韩国野! 黎到酒吧林立嘅赫德道，夜晚好旺，要黎记得订好枱，用餐时间限90分钟。叫service 可以用枱面嘅钟，店员好快就落好哂单。鱼糕锅热辣辣上枱，鱼糕非常软滑，汤汁带少少香辣，仲有鸡蛋同蔬菜配料。最钟意呢款鱼糕，腐皮入面有爽滑粉丝，好有层次!鸡蛋卷好大条， 又足料，蛋卷好滑，每次黎都必食!蜜糖咖哩烤鸡，甜甜地带咖哩香味，份量好多，烤鸡都可以又脆又嫩滑，厉害!果味蒜香烤鸡，168蚊，呢款腌得更加入味，加d 柠檬汁更好食。芝士炒年糕，好大碟! 大量芝士系底，上面放满韩式辣酱年糕，鱼糕同即食面，非常邪恶了吧～到叫饮品时间，鲨鱼之泪够哂夸张吸睛，真系好似冰封嘅大海!朋友叫嘅苹果酒饮品，下面系似雪碧嘅沙冰，非常大杯，两个人一杯都ok我叫左柚子沙冰，都系好大杯，酸酸甜甜又冰凉，配烤鸡唔错!每人大约230蚊，系大班朋友聚餐唔错嘅选择。