ROOM 309 (已結業)

又贵又难饮 。仲要喺隔离 Envoy 帮衬一个钟头一人，叫杯嘢饮先至可以入嚟 。之后呢度最低消费每人250。 如果好饮都冇所谓，四个人拣咗好耐，终于两个叫 Daiquiri, 一 个叫 Butter Beer, 一个叫咗杯 Banana Mocktail. Butter beer 完全同Harry Potter嘅唔同味 。人地应该系 Butterscotch 即系有牛油糖 caramel 加cream soda 咁上下 。佢呢个系威士忌加啤酒加煮溶咗嘅牛油，难饮到飞起。两杯 Daiquiri, 一杯叫咗最平嘅Rum, 一杯叫咗最贵𠮶只 。两杯都系稀呢呢，得个酸味 。又系难饮到极 。杯 banana mocktail, 原本应该有加冧酒，因为朋友要揸车，叫佢整 Virgin. 杯饮品来到，又系稀呢呢 。同 bartender 讲，可唔可以比少少朱古力糖浆，吊吊味，唔知点解bartender 顾左右而言他，好不愿意 。之后话因为原来recipe 唔系咁 。就比咗粒白朱古力我个朋友加入去 。我哋大家一人饮咗两啖，冇晒瘾，唯有起身离开 。埋单4个人饮野$1200 ，一共坐咗 1.5 小时 。