常滿雞煲火鍋專門店 (已結業)

同两个朋友在荃湾打边炉，咁其中一个话佢朋友推荐呢间常满，仲话好食过一品，咁谂住去试下啦，一试......出事本来3个女仔谂住嗌半只鸡就应该够，但见到佢半只鸡个煲咁细（好似一人一窝咁细），点打边炉啊？所以就嗌够一只，谂住个煲大啲食得开心啲。个鸡黎左，煲滚左，一入口.....唔够味，已经有少少唔开心，佢客人又唔系多 点解都好似煮唔够时间完全唔入味咁架。有食鸡煲的人都知道，识食一定系食紫洋葱，见个煲里面得咁少，虽然觉得$22只洋葱好似抢钱咁贵但都order多一碟。好快食完个鸡（比正常出面少），加汤打边炉，叫左响铃（$38/8件）最平的普通肥牛（$88/7块）（系呀 无睇错 系得7块咁大把）（但我承认佢比任食的肥牛好食少少）菜呀 墨鱼滑（弹牙但一啲味都无）瑶柱白菜饺（恕我揾唔到瑶柱同埋只吃到白恰猪肉味）水饺（无味）。之后我地无再叫其他野，因为成个汤底都无味渌咩都无味。