Papa (已搬遷) 新店位置

今日中午第一次来呢间餐厅，装潢唔错，入去时餐厅连埋我有三枱客，佢竟然同我讲只能坐个半钟。我问佢：「下，唔系好多人咋㖞，唔使咁呀？」佢解释已有好多booking 枱。中午食饭都赶，算，我就睇下系咪真是咁好食。叫左三个餐：意大利饭，爸爸早餐及薄饼卖相唔错，不过午餐收咁嘅价钱，唔系太值，不过可能好好食呢～逐样讲：早餐，肠仔、煎蛋、薯饼、煮菇，唔系啲咩特别野，冇话好食唔好食。（咁都唔好食就非常大镬。意大利饭，先讲饭，煮得太稔，汁唔到入饭里，配鱼两旧，冇鱼味，好一般雪藏鱼柳，价钱与质素不配。薄饼，加左好多芝士，料都足，谂住掂啦～出手去拎起块饼，散落一地，饼底太松太薄，薄饼最基本的部分都做得唔好，令人失望。餐茶：一系饮红茶，一系加廿蚊，冇错！系廿蚊！转其他饮品咖啡奶茶那些。哇！我去左边度呀？！用餐期间，有数只苍蝇不断骚扰，小事一桩，冇咩惨得过餐厅啲野唔好食。唯一可以赞，系个餐汤，周打蚬，不俗。总括而言，无料扮四条，班门弄斧。