阿部屋日式板燒．豚肉專門店

营业中

休息中

今日又过嚟食啦，厚切猪扒真系必食，隔一段时间唔食就念念不忘，猪扒饭可以叫切好先上又或者系自己切，我钟意自己切，因为切𠮶阵时可以明显听到个猪扒好脆，但系入边又好嫩，仲会有少少汁，搭配嘅咖喱汁有啲似日式咖喱，但系改良版，带少少甜但系都会有少少辣，所以唔会觉得腻，最紧要系咖喱汁会另上，食饭真系唔钟意啲汁捞埋喺个饭入边，自己捞唔同啦，老龚嗌咗脆香芝麻鸡翼汤拉面，老老实实，个拉面就比较一般，面嘅韧度唔够，汤底都比较淡啲，你就当佢系普通嘅面啦，但系个鸡翼OK，出边一啖咬落去会有少少脆皮，但系入边又可以爆晒啲汁出嚟，一啖好满足夹埋个芝麻好香，冻柠茶同埋冻奶茶我觉得冻柠茶好饮啲，但系记得叫少甜㖞。