上海會館

营业中

休息中

今晚元宵谂住高高兴兴食一餐上海菜，点咗小笼包、鸡扒汤面、雪菜肉丝炒年糕、同埋豆沙窝饼。 鸡扒汤面都算正常，系啲鸡扒咸啲。小笼包就直程系唔入流。 不过都算啦，我食咁多年上海菜，从未见过人雪菜肉丝炒年糕要加豉油去炒。 因为炒年糕太咸，食唔落，同侍应讲叫佢换过碟，侍应就同我讲话雪菜系咸嘅。 咁你都明知雪菜系咸，你仲落豉油。 好啦，叫佢取消咗个年糕，嗌𠮶个鸡火炒饭，一坐就半个钟，见住隔篱枱迟过我嚟都食完走啦，咁就追下个侍应，𠮶时仲好意思同我讲话师傅未炒，叫我而家先落单😡😡😡😡。嬲得滞，个炒饭同埋豆沙锅饼都取消。 到俾钱，个收银仲要懵吓懵吓，收多我钱，张单改完又要再改。 俾钱都仲要唔讲声唔好意思。 真系到而家都未嬲完，嘥咗我一个元宵节嘅晚上。🤬🤬真系借刘德华所讲，今时今日咁嘅服务态度，得唔得㗎？