DK Cuppa Tea (已結業)

卫生 5 分：地方好干净企理，食物又靓又整齐。环境5分：地方唔系好大，不过就装修到好似一间喺丛林入面嘅小木屋咁，好warm好舒服。服务 5分：服务员不但了解套餐内嘅食物，对背后嘅故事同隐藏嘅意义都好清楚。解释完又会一齐玩，一齐影相，好似一家人咁打成一偏，服务满分。味道 4分：1) 玫瑰花园特饮有花香，好清爽，我钟意。2) 件scone搽咗玫瑰jam又香又甜。3) 三文鱼酥有牛油香，不过就唔够松，扣咗半分。4) 咸筒脆卜卜，唔同馅都好惹味。5) Cupcake好靓，柚子味好食D，紫色件薰衣草就干咗D，所以又扣半分。6) 柚子芝士蛋糕又light又香软。7) 莓味macaron好松好light。8) 柚子朱古力唔会太甜，个柚子味都好出。9) 紫薯雪糕唔系好甜，又食到薯蓉，唔错。抵食4分：甜品功夫多，又靓又好食，一个人$298 + 10%比合理抵。