影片
更多
2024-06-10
309 浏览
好耐无试过平日同屋企人一齐有假放，一齐去食个靓午餐，最后拣咗旺角一间人气泰国餐厅。环境好靓好舒适，餐厅周围采用落地大玻璃有自然光感觉零舍舒服。而且仲有露天位置添～食物除咗好味之外，性价比仲好高！首先叫咗几个午市套餐，有主食+小食+饮品。谂住午餐份量一般唔会好多啦⋯点知我错左🫨真系非常抵食！✨芒果鲜虾炒饭 x 脆炸豆腐配南乳酱 x 蝶豆花青柠茶非常喜欢呢个炒饭🫶🏻炒饭够干身，饭粒分明。当中配上虾肉、鲜甜芒果粒同提子干，味道同口感都好丰富！豆腐外面脆身咬落去好松软，配上南乳酱变得非常惹味。✨路边炭火炒猪肉宽河粉 x 泰式鱼饼 x 桔仔酸梅好够镬气，除咗猪肉片仲有粟米仔、菇、萝卜，河粉烟烟韧韧口感不错。✨泰式船家脆炸花腩汤河粉 x 蒜蓉炒椰菜x 龙眼桂圆茶汤底好香好浓郁，花腩片肥瘦适中。炒椰菜谂住好平凡，但又真系几好食🧐另外再叫左啲小食同甜品✨冬荫单骨鸡翼必食❗️炸粉唔会好厚，但好脆身，而且冬荫功味好够，有少少辣超级惹味，系食唔停口个种！✨酸辣凤爪沙律从来好钟意食凤爪，尤其无骨😌呢个酸辣味够哂惹味！✨鸡皮卷卖相有啲似腐皮卷😆咬落内里鸡肉好juicy，一啲都唔腻，蘸上泰式辣酱好好味。✨斑兰椰汁糕
环境好靓好舒适，餐厅周围采用落地大玻璃有自然光感觉零舍舒服。而且仲有露天位置添～
食物除咗好味之外，性价比仲好高！
首先叫咗几个午市套餐，有主食+小食+饮品。谂住午餐份量一般唔会好多啦⋯点知我错左🫨真系非常抵食！
✨芒果鲜虾炒饭 x 脆炸豆腐配南乳酱 x 蝶豆花青柠茶
非常喜欢呢个炒饭🫶🏻炒饭够干身，饭粒分明。当中配上虾肉、鲜甜芒果粒同提子干，味道同口感都好丰富！
豆腐外面脆身咬落去好松软，配上南乳酱变得非常惹味。
✨路边炭火炒猪肉宽河粉 x 泰式鱼饼 x 桔仔酸梅
好够镬气，除咗猪肉片仲有粟米仔、菇、萝卜，河粉烟烟韧韧口感不错。
✨泰式船家脆炸花腩汤河粉 x 蒜蓉炒椰菜x 龙眼桂圆茶
汤底好香好浓郁，花腩片肥瘦适中。
炒椰菜谂住好平凡，但又真系几好食🧐
另外再叫左啲小食同甜品
✨冬荫单骨鸡翼
必食❗️炸粉唔会好厚，但好脆身，而且冬荫功味好够，有少少辣超级惹味，系食唔停口个种！
✨酸辣凤爪沙律
从来好钟意食凤爪，尤其无骨😌呢个酸辣味够哂惹味！
✨鸡皮卷
卖相有啲似腐皮卷😆咬落内里鸡肉好juicy，一啲都唔腻，蘸上泰式辣酱好好味。
✨斑兰椰汁糕/芒果糯米饭
前者卖相好精致，系一朵花嘅形状，有淡淡椰汁同斑兰香；后者系我最爱嘅泰式甜品，芒果好香甜，仲配上椰子片，又系必食🙌🏻
上面几杯跟套餐嘅饮品，卖相又靓又好饮。额外叫咗杯香辣菠萝梳打，饮品入面有辣椒味，好特别，好饮得黎又几爽😆
张贴
