影片
更多
2024-08-10
125 浏览
📍潮盛馆 (观塘)之前喺新蒲岗食过潮盛馆觉得好正，最近见到佢哋喺观塘开分店又去试吓。行入去时运工业大厦就会发现餐厅入口喺lift大堂旁边。🌟鹅片拼盘（双拼）拼墨鱼 $228鹅片系好靓嘅半肥瘦，鹅皮底下嘅脂肪唔会好厚。一咬落去又有卤水汁嘅甜味，又有鹅油香。我钟意佢哋嘅墨鱼切得比较厚，有口感亦都突出到鲜味。🌟酒香鲍鱼 $108🌟醉香鸭舌 $88佢哋嘅招牌醉香系列好出色！酒香系渗出嚟咁样唔会太烈。冰冰凉凉，清爽嘅酒香美食特别啱喺夏天做前菜。两者嚟讲鲍鱼嘅酒味比较浓。🌟潮盛拔丝咕噜肉 $138肥瘦有致，而且炸得香脆。咕噜汁嘅调味啱啱好，用嘅系新鲜菠萝🍍，酸酸甜甜好开胃，亦都做到好靓嘅拔丝效果。🌟花胶鱼翅炖老鸡 $98味道好鲜甜！花胶鱼翅都好大片。🌟艇皇浸胜瓜 $98胜瓜煮得好腍又索晒上汤嘅甜味。鱼肚嘅份量好多！🌟蚝仔粥 $68冇谂过一碗有咁大，同其他地方嘅一煲差唔多。蚝肉劲大只，粥底鲜甜，加埋脆米嘅香味令人食到停唔到口。🌟韭菜猪红 $68同其他地方唔同，呢度猪红多过韭菜好多！浓浓嘅酱汁系由细食到大嘅味道。但我觉得佢冇其他地方咁油。
之前喺新蒲岗食过潮盛馆觉得好正，最近见到佢哋喺观塘开分店又去试吓。行入去时运工业大厦就会发现餐厅入口喺lift大堂旁边。
🌟鹅片拼盘（双拼）拼墨鱼 $228
鹅片系好靓嘅半肥瘦，鹅皮底下嘅脂肪唔会好厚。一咬落去又有卤水汁嘅甜味，又有鹅油香。我钟意佢哋嘅墨鱼切得比较厚，有口感亦都突出到鲜味。
🌟酒香鲍鱼 $108
🌟醉香鸭舌 $88
佢哋嘅招牌醉香系列好出色！酒香系渗出嚟咁样唔会太烈。冰冰凉凉，清爽嘅酒香美食特别啱喺夏天做前菜。两者嚟讲鲍鱼嘅酒味比较浓。
🌟潮盛拔丝咕噜肉 $138
肥瘦有致，而且炸得香脆。咕噜汁嘅调味啱啱好，用嘅系新鲜菠萝🍍，酸酸甜甜好开胃，亦都做到好靓嘅拔丝效果。
🌟花胶鱼翅炖老鸡 $98
味道好鲜甜！花胶鱼翅都好大片。
🌟艇皇浸胜瓜 $98
胜瓜煮得好腍又索晒上汤嘅甜味。鱼肚嘅份量好多！
🌟蚝仔粥 $68
冇谂过一碗有咁大，同其他地方嘅一煲差唔多。蚝肉劲大只，粥底鲜甜，加埋脆米嘅香味令人食到停唔到口。
🌟韭菜猪红 $68
同其他地方唔同，呢度猪红多过韭菜好多！浓浓嘅酱汁系由细食到大嘅味道。但我觉得佢冇其他地方咁油。
张贴
